Miessegietti mearrasámi dállu
Miessegietti mearrasámi dállu lea Davvi-Romssa Musea váldorusttet Gáivuona suohkanis.
Sajádat
Miessegietti dállu lea siskkimusas Gáivuonas. Dohko beasat go earránat E6 bálgás Biertaváris ja vuojat s. 4 kilomehtera Gáivuonvákki bajás. Holmensilddi buohta jorgalat olgešguvlui ja čuovut bálgá gitta jorgalanbáikái. Oainnát dálu gurutbealde stuorra váriid ja Vuoksájoga vuostá.
Museala doaibma
Miessegietti dállu lea buorre ovdamearka das makkár dábálaš davviromsalaš mearrasámi dállu lei. Dállu lea ásahuvvon 1800-logu beallemuttos. Goahtesajit lagašbirrasis duođaštit goit ahte mearrasámi ásaiduvvan lea ollu boarrasat.
Miessegietti mearrasámidállu
Mearasámi kultuvra gillái garra dáruiduhttima geažil badjel čuohte jagi. Liikkáge leat giella ja luondduvalljodagaid ávkkástallan seilon Gáivuonas. Dán áigge lea kultuvrras ođđaáigasaš vuogit, mat ovdanbuktojuvvojit omd. jahkásaš Riddu Riđđu festiválas. Miessegietti mearrasámi dálus beasat vásihit govt mearrasámi bearáš orui ovdal soađi ja oaidnit earuid dalá eallimis otná eallima ektui.
Fiervábuvrrit Biertaváris
Biertaváris davás Dálošvákki guvlui E6 bálgá bálddas leat máŋga fiervábuvrri. Dáid 28 buvrris leat gávcci huksejuvvon juo 1800-logus. čiežas dain čužžot bálddalága.
