Gulbbenjárgga ođđasishuksema dállu
Gulbbenjárgga ođđasishuksema dállu lea Davvi-Romssa váldorusttet Návuona suohkanis.
Sajádat
Máŋggadoaimmaviessu lea guovddáš sajis Buvrovuona suohkanguovddažis. Galba SAMLINGER čujuha E6 bálgás dohko gos čájáhus lea.
Gulbbenjárgga ođđasishuksema dállu lea 15 km E6 ja fylkkabálgá 365 bálggesearus fylkkabálgá mielde Jiehkarvutnii. Mátkkis dohko galgá mannat Saltnes bálggesearu ja galbba Severdighet Øksfjordjøkelen meaddil. Maid Jøkelfjord Laks bálggesearu ja galbba meaddil galgá mannat. Das lea okta kilomehter biilabisánanbáikái. Dállu lea gurutbealde mearaguvlui.
Museala doaibma
Návuona suohkanis lea Davvi-Romssa Museas bistevaš birrajahkásaš čájáhus ođđasishuksema birra nuppi máilmmisoađi maŋŋá. čájáhus lea Máŋggadoaimmaviesus Buvrovuonas. Dasa lassin geassit lea Gulbbenjárgga ođđasishuksema dálus ráddjejuvvon rahpanággit.
Gulbbenjárgga ođđasishuksema dállu
Juos mátkkoštát Davvi-Romssas de fuobmát ahte viesut máŋgga guovllus leat oalle seammaláganat sturrodaga ja hámi ektui. Dat leat muoras huksejuvvon viesut main lea hárjedáhkki ja olgoseinniin fielloskoađas, ja dávjá dát viesut leat 1 ½ dahje 2 geardásaččat. Hárjedáhkis leat dávja geađgerávttut, dáhkkebábir dahje eternihtta. Dábálaš orrunviidodat lea 70-90 m2 ja viesuin lea dávjá kvadráhta dahje rektangela hápmi, ja vel lasseoassi mas feaskkir ja biebmovuorká ledje. Dát viesut leat eanaš osiin huksejuvvon 1940-logu loahpageahčen ja 1950-logus.
Ođđasishuksen
Cuoŋománu 9. beaivve 1940 okkuperii duiskka soahteveahka Norgga, ja geassemánu 10. beaivve seamma jagi fertii Norga vuollánit. Vearjogelbbolaš dievddut fertejedje guođđit bargguideaset ja siiddaideaset ja vuolgit soahtái. Gaikkat fertejedje hárjánit okkupánttaid vieris dábiide, gillii ja kultuvrii.
